З 13 лютага 2015 г. па 21 траўня 2015 г. у Музеі М. Багдановіча будзе дзейнічаць выстаўка «Цэлы свет – у кніжках тых!..», прымеркаваная да Міжнароднага дня роднай мовы.
Увазе наведвальнікаў будуць прадстаўлены чарніліцы, ручкі, акуляры пачатку ХХ ст., рэдкія кніжныя выданні:
- В. Ластоўскі «Гісторыя беларускай (крыўскай) кнігі» (Коўна, 1926);
- Я. Лёсік «Сынтакс беларускае мовы» (Мінск, 1926);
- браты М. і Г. Гарэцкія «Маскоўска-беларускі слоўнік» (Вільня, 1920);
- Е. Ф. Карскiй «Образцы славянскаго кирилловскаго письма» (Варшава, 1902).
Можна будзе пабачыць школьныя падручнікі па граматыцы беларускай мовы:
- К. І. Шапялевіч «Беларуская мова. Падручнік для пачатковай школы» (Мінск, 1933);
- Ю. Тупяневіч, А. Тупяневіч «Юная раць. Чытанка для першай групы гарадзкой сямігодкі» (Мінск, 1932);
- А. Якімовіч, Е. Гародкіна «Чытанка для другога класа пачатковай школы» (Мінск, 1936);
- А. Маклюк , П. Пруднік «Ударнік. Лемантар для гарадзкіх школ граматы і груп малапісьменных» (Мінск, 1931).
Упершыню будзе прадстаўлены прыбор пісьмовы вытворчасці 1930-х гг. Нёманскай фабрыкі пераплётных вырабаў.
Запрашаем!
