21 лютага адзначаецца Міжнародны дзень роднай мовы (руск.: Международный день родного языка, англ.: International Mother Language Day, ісп.: Día Internacional de la Lengua Materna, фр.: la Journée internationale de la langue maternelle, араб.: اليوم العالمي للغة الأم, кіт.: 國際母語日).
Міжнародны дзень роднай мовы быў абвешчаны на 30-й сесіі Генеральнай канферэнцыі ЮНЕСКА ў лістападзе 1999 года і адзначаецца з 2000 года. Гэта свята мае на мэце заахвочванне моўнай разнастайнасці і шматмоўнай адукацыі, а таксама спрыянне ўсведамленню моўных і культурных традыцый. Паводле ацэнак ЮНЕСКА палова з 6 тысяч моў свету знаходзіцца пад пагрозай знікнення.
Любіце і шануйце, як святыню, роднае слова, з якім вас літасцівы Бог на свет пусціў. (Ф.Скарына)
Яно добра, а нават і трэба знаць суседскую мову, але найперш трэба знаць сваю. (Ф.Багушэвіч)
Родная мова, быццам цэмент, звязвае людзей. Яна дае ім найлепшы спосаб разумець адзін аднаго, адной думкай жыць, адной долі шукаць. (Цётка)
Роднае слова – гэта першая крыніца, праз якую мы пазнаём жыццё і акаляючы нас свет. (Я.Колас)
Дзяды і бацькі нашу мову стваралі, / Каб звонка звінела, была, як агонь. (П. Броўка)
Якія цудоўныя назвы і словы,
Якая цудоўная родная мова!
І ўсё мілагучна для слыху майго:
І звонкае «дзе», і густое «чаго». (П. Панчанка)
У сувязі са святкаваннем Міжнароднага дня роднай мовы навучэнкі ДУА «Гродзенскі дзяржаўны музычны каледж» Заміроўская Яўгенія (1 курс), Пазднякова Кацярына (3 курс), Грыбава Паліна (2 курс) падрыхтавалі відэазапіс верша Максіма Багдановіча «Зіянне месяца».
Відэапрагляд па спасылцы: