Кебіч Людміла Антонаўна нарадзілася 17 ліпеня 1951 года ў г.п.Краснасельскі Ваўкавыскага раёна Гродзенскай вобласці. Жыве ў Гродне. Паэтэса, празаік, перакладчык. Старшыня Гродзенскага абласнога аддзялення ГА «Саюз пісьменнікаў Беларусі». Лаўрэат прэміі імя А.І.Дубко Гродзенскага аблвыканкама «За творчыя дасягненні ў галіне культуры і мастацтва» ў намінацыі «Пісьменнік года - 2002». Лаўрэат Рэспубліканскага літаратурнага конкурсу «Лепшы твор года» ў намінацыі «Песенны жанр» (2009). Узнагароджана нагрудным знакам «За ўклад у развіццё культуры Беларусі» (2009). Аўтар кніг паэзіі і прозы для дзяцей і дарослых. Актыўна супрацоўнічае з беларускімі кампазітарамі ў жанры песні, сама іх выконвае. Вершы перакладаліся на рускую, украінскую і польскую мовы.
Аўтар кніг: «Па музычных законах» (1996), «Зялёная рутвіца» (2001), «На беразе белай ракі» (2003), «Ключы ад Неба» (2005), «Фиолетовый дракоша» (2007), «Светач мастацтваў» (2008), «Непераможны колер охры» (2008), «Гродна ў вершах і песнях: і памяць, і пашана, і любоў» (2008), «Мой город Гродно» (2014), «Дамінанты лёсу» (2014), «Гродно – город королей» (2014), «Бэзавы дом» (2020), «Игрушки для Валюшки» (2018), «Трыялеты, тэрцыны, рандэлі» (2020). Пераклала з польскай мовы кнігу А.Наўроцкага «Цень яго анёла» (2018).
Відэапрагляд тут: