«Le Roi a Paris» перакладаецца як «Кароль Парыжа». У пачатку ХХ ст. вытворчасцю механічных гадзіннікаў пад маркай «Le Roi a Paris» займалася адразу некалькі нямецкіх фабрык, найбуйнейшымі з якіх былі «Shlenkler-Kienzle», «Yunghans», «FMS і PHS».
Пад маркай «Le Roi a Paris», вядомай нямецкай фабрыкі «F.M.S. – Friedrich Mauthe», насценныя гадзіннікі часта траплялі ў Расійскую Імперыю ў пачатку ХХ ст., паколькі заможныя грамадзяне хацелі бачыць у сябе гадзіннікі найвышэйшай нямецкай якасці з прыгожым французскім шармам.
Насценныя гадзіннікі «Le Roi a Paris» адносіліся да катэгорыі недарагіх, даступных шырокаму колу насельніцтва.
Маркіроўка цыферблатаў з надпісам «Le Roi a Paris» – маркетынгавы ход, жаданне прыцягнуць больш пакупнікоў, якія захапляюцца французскім стылем. Нямецкія фабрыкі выкарыстоўвалі імя знакамітай французскай фірмы, якая існавала з канца ХVІІІ ст. Магчыма, марка «Le Roi a Paris» не была зарэгістравана ў Германіі. Кампанія «Schlenker-Kienzle» афіцыйна зарэгістравала старадаўнюю гандлёвую марку «Le Roi a Paris» толькі 1909 г. у міжнародным патэнтавым бюро ў Лондане. З тых часоў надпіс «Le Roi a Paris» можна сустрэць, як правіла, толькі на насценных гадзінніках вытворчасці «Kienzle».
Адзін з такіх гадзіннікаў экспануецца ў мемарыяльным пакоі Музея Максіма Багдановіча.
